Nëse në kampionat kanë pasur disa vështirësi së fundmi, në Champions League Milani shkëlqen dhe fluturon për në gjysmëfinale ku më 10 maj do të takohet me Interin për ndeshjen e parë të vlefshme për kualifikimin shumë të lakmuar për në finale.
Nëse në shtator Stambolli mund të ishte thjesht një ëndërr e largët në të cilën të mos shpresosh shumë, tani ëndrra lejohet. Milani arriti të mposht Napolin në çerekfinale dhe trajneri i Manchester Cityt, Pep Guardiola, shprehu mendimin e tij për transferimin e kuqezinjve.
Mbrëmë City u kualifikua në gjysmëfinale kundër Real Madridit të Ancelottit. Gjatë konferencës për shtyp pas ndeshjes, Guardiola ka folur edhe për Napoli-Milan.
Këto janë deklaratat e trajnerit spanjoll: “Kur luan këtë kompeticion si Napoli, në mënyrën se si ata kanë luajtur gjatë gjithë sezonit, në një mënyrë vërtet madhështore, dhe je kaq shumë përpara Milanit në ligë, njerëzit besojnë se në Ligën e Kampionëve është e njëjta gjë.
Të luash kundër Milanit që ka kaq shumë histori është si të luash kundër Bayern Munich, nuk e di sa trofe kanë në kabinetin e tyre. Duhet te mundesh historine dhe me besoni ka shume shume pune perpara…
“Te Milani kane qene Arrigo Sacchi, Capello, Maldini dhe Costacurta. Kjo është historia që është pjesë e këtij kompeticioni, prandaj këto ekipe janë kaq të forta dhe prandaj edhe nese ke ekip me te mire duhet te besh llogarite me historine e tyre”.