Në pritje të ndeshjes së madhe të nesërme kundër Napolit dhe konferencës së tij për shtyp, Stefano Pioli dha një intervistë për Milan TV, ku i përgjigjet disa pyetjeve në lidhje me ndeshjen e madhe të nesërme.
“Është normale që jemi shumë të motivuar, shumë të përqendruar, do të jemi shumë të vendosur të përpiqemi të arrijmë këtë ndryshim. Ne presim një ambient krejtësisht të ndryshëm në krahasim me ndeshjen e fundit që kemi luajtur atje në kampionat, jemi të vetëdijshëm për këtë.
Por është po aq e vërtetë që këto mjedise do të na japin një motivim të madh dhe energji të madhe”. Për dallimet me ndeshjet e mëparshme me Napolin, ai thotë:
“Ndoshta diçka do të ndryshojë edhe nesër, si në pozicionet tona ashtu edhe në ato të kundërshtarëve tanë. Në çdo rast, çdo lojë tashmë bën historinë e saj… Është e çuditshme që takohemi tre herë brenda pak ditësh, por shyqyr që është kështu.
Sigurisht që do të jetë një ndeshje emocionuese, le të flasim për mundësinë që njëra apo tjetra skuadër të arrijë në gjysmëfinalen e Champions League, pra do të jetë një ndeshje e nivelit të lartë, me cilësi, vëmendje, vendosmëri, intensitet, energji, por sigurisht që do të jetë një nivel i larte”.
Rreth ndeshjes: “Besimi është gjithçka dhe duhet të jetë aty, ne jemi të vetëdijshëm për cilësitë tona, por jo sepse tashmë kemi fituar kundër kundërshtarëve tanë, por sepse i dimë situatat tona, e dimë mënyrën tonë të lojës, sigurisht që do të zbresim në fushë me besimin e shkëlqyeshëm.
Ne kemi një avantazh shumë të vogël, por këtë vit Napoli, veçanërisht në Champions League, ka shënuar mesatarisht të paktën tre gola në ndeshjet në shtëpi ndaj kundërshtarëve si Eintracht, Rangers, Ajax dhe Liverpool.
Ne morëm një avantazh të vogël, por do të jetë një kualifikim ende për t’u merituar, për t’u fituar dhe sigurisht që do të ketë një ndeshje të nivelit të lartë për të luajtur.
Per fazën e mbrojtjes: “Gjithmonë duhet theksuar se puna e ekipit që nuk zoteron topin është punë ekipore, nuk është punë e repartit, e mbrojtësve individualë, por është punë ekipore.
Nëse ne të gjithë punojmë së bashku, me komunikim, me vendosmëri, me presion të fortë ndaj top-bartësit kundërshtar, atëherë ne gjithashtu lehtësojmë detyrën e mbrojtësve tanë kundër kundërshtarëve sulmues shumë shumë të fortë”.