I intervistuar nga Carlo Pellegatti, mesfushori sulmues i Milan, Brahim Diaz foli për të tashmen dhe të ardhmen e skuadrës kuqezi, me një sy në Ligën e Kampionëve. Ja deklaratat e tij:
Për sharmin e Ligës së Kampionëve: “Kur isha i vogël ishte e pabesueshme të shikoja një ndeshje të Champions League. Tani mund ta luaj. Dhe ta bësh atë në një klub historik si Milani është shumë bukur.”
Mbi himnin: “Të shohësh tifozët duke bërtitur ‘The Champions’ të shkakton ndjesi te pabesueshme. Është një emocion, të luash San Siro është fantastike.”
Për Malaga-Milan: “Më kujtohet ajo ndeshje. Në qytet thanë ‘Po vjen Milani, sa bukur’. Ishte një festë sepse Milani është një klub i madh dhe prestigjioz”.
Të qenit në mesin e tetë më të mirëve në Evropë: “Kundër Tottenhamit pashë njerëz që besonin tek ne. Edhe familja ishte në stadium. Ne nuk luajmë vetëm, tifozët janë me ne.”
Brahim, ndihesh lojtar Champions League? “Po, unë luaj për Milanin. Ne jemi të gjithë lojtarë të Champions League dhe kjo është arsyeja pse ne jemi në mesin e tetë më të mirëve në Evropë.
Është e mrekullueshme të jesh atje së bashku me dy ekipe të tjera italiane. Lëvizja bëhet më e fortë. Është e pabesueshme. Ne e merituam te vinim këtu: vitin e kaluar fituam Scudetton dhe këtë vit jemi ndër më të fortët në Evropë”.
Për tifozët në San Siro (veçanërisht kundër Tottenhamit): “Është një motivim shtesë. Siç them gjithmonë, unë jam lojtari i dymbëdhjetë. Është mirë që ata na ndihmuan dhe që ishin pranë nesh gjatë gjithë ndeshjes. Do të doja të luaja gjithmonë në San Siro, por nuk është e mundur (qesh)”.
Goli me i bukur: “Të gjithë golat janë të rëndësishëm: ndoshta një që mund të zgjidhja është ai kundër Juventusit, shumë i bukur. Kushdo që shënon, shënon. Unë thjesht dua të ndihmoj skuadrën të fitojë.”
Për Napolin: “Ata kanë një skuadër të fortë dhe po e demonstrojnë në Itali dhe në Evropë. Teknikisht ata janë të fortë, por edhe ne. Fakti që e njohim njëri-tjetrin është i rëndësishëm, loja është e ekuilibruar. Një cilësi për t’i vënë ata në vështirësi? Ka shumë. Njëra është të kemi kontrollin e topit gjatë ndeshjes sepse nuk janë mësuar të mos e kene”.
Për përvojën e tij me kuqezinjtë: “Milani ka përmirësuar karakteristikat e mia. Unë jam rritur shumë këtu dhe më duhet të rritem”. Për faktin se nuk ekziston më rregulli i golit si mysafir: “Ka ndryshuar. Por mendoj se është për të mirë. Duhet të jesh më i vëmendshëm dhe më i përqendruar. Megjithatë, ndeshjet janë të ngjashme, gjithmonë duhet të japësh 100%. ”
Një bast për fitimin e Champions League: “Nuk e di, duhet të mendojmë ndeshje pas ndeshje. Pas një muaji do t’ju them nëse mund të bëj diçka (buzëqesh)”.