Po afron rikthimi i Zlatan Ibrahimovic, të paktën në një grup në stërvitje. Sipas asaj që raporton sot Corriere dello Sport, dhe sipas asaj që ishte parashikuar dje nga MilanNews.it, kampioni suedez do të jetë në grup me skuadrën në Milanello që të hënën e ardhshme më 5 dhjetor. Tre ditë më vonë do të ketë një test miqësor ndaj Lumezzane edhe pse Zlatan e ka shumë të vështirë të luajë për disa minuta.
Pak ditë më parë Zlatan Ibrahimovic ishte moderator ne një episod të Striscia la Notizia me rezultate të pabesueshme, duke vendosur rekordin e audiencës, me mbi 4 milionë e gjysmë njerëz që ndoqën programin satirik me suedezin…
Prezantuesi aktual i programit, Roberto Lipari, ka zbuluar disa prapaskena në lidhje me bashkëpunimin e paprecedentë për këtë rast, i cili, siç e ka pranuar edhe vetë, ka qenë shumë i këndshëm. “Si ishte drejtimi me Ibrahimovic, dy metra fuqi punëtore?”, kjo ishte pyetja e Silvia Toffanin, së cilës Lipari iu përgjigj: “Sigurisht qe na erdhi ajo marramendje…”.
Drejtuesi më pas shtoi: “Ai është vërtet i këndshëm. Ishte vërtet argëtuese dhe na qetësoi menjëherë”. Më pas vjen zbulimi i bukur për telefonatën e marrë nga presidenti i Palermos, i cili së bashku me aktorin e humorit Sergio Friscia, bënë që sulmuesi të nënshkruajë një kontratë false, duke përfunduar “Tani është lojtar i Palermos”.
Per Ibra foli sot edhe Daniel Maldini, aktualisht me Spezian i huazuar nga Milani: “I jashtëzakonshëm. E pashe në Milanello dhe thash direkt dreqin cfare futbollisti dhe profesionisti. Ai ishte një pjesë thelbësore e Scudettos. Asgjë nuk ndryshon nëse je i ri apo me përvojë: ai zemërohet me të gjithë. Me mua një mijë herë: është normale!”