Agjenti i Franck Kessie ka dhënë një intervistë interesante duke zbuluar motivin e vendimit të mesfushorit për t’u larguar nga Milan gjatë verës. Agjenti i Kessie, George Atangana, ka thyer heshtjen e tij për kushtet që sollën që lojtari i Fildishtë të premtonte të rinovonte ndërsa ishte ne Olimpiaden e Tokyos, teksa kur mberriti nuk firmosi por ne fund te sezonit shkoi falas te Barcelona…
Ai po përpiqet të afirmohet nën drejtimin e Xavi-t te Barça, ndërsa Atangana foli ekskluzivisht për calciomercato.com për të zbuluar një sfond mbi vendimin e klientit të tij për t’i thënë lamtumirën Milanit pas pesë vitesh. “Çfarë ndjenje e lidh Kessie me Milanin? Realizimi, sepse ai arriti të arrijë atë që ëndërronte kur nënshkroi për kuqezinjtë. Ishte Milani i parë pas Berlusconit, ishte një bast edhe për ne dhe fituam”, tha ai
“Ai mori pjesë aktive në fitimin e një Scudetto që i mungonte që nga viti 2010-11. Por nuk duhet harruar as dygoleshi në Bergamo në sezonin e kaluar, sepse po të mos i kishte shënuar ato dy penallti ditën e fundit, Milani nuk do të kishte hyrë në Champions League dhe ndoshta historia e sezonit të ardhshëm do të kishte ndryshuar.
“Dhe pastaj është ajo marrëdhënie që ai kishte për kaq shumë vite me tifozët milanez, e cila për ne mbetet e paprekur sepse ne dimë të jemi mirënjohës dhe gjithashtu sepse, sinqerisht, ne e dimë se si janë ata kur gjërat ndryshojnë.”
Ivoriani u largua nga Milani për në Tokio verën e kaluar me premtimin për t’u kthyer nga Olimpiada dhe për të zgjidhur rinovimin e tij, por situata u përkeqësua dhe u bë e qartë se ai do të ndiqte fatin e të tjerëve që ishin larguar më parë me zero si Gianluigi Donnarumma, Hakan Calhanoglu dhe Alessio Romagnoli.
“Calhanoglu, Donnarumma dhe Romagnoli janë larguar dhe për të njëjtën arsye dhe është gjithashtu e vështirë të mbyllen rinovimet aktuale, të paktën nga sa më duket mua. Nuk e kuptoj pse vetëm lamtumira e Franck ishte kaq e trumpetuar” vazhdoi Atangana.
Duke iu përgjigjur idesë se ishte për shkak të premtimit të Kessie, ai shtoi: “Sigurisht, ky ishte qëllimi. Sidoqoftë, një rinovim i njëanshëm nuk mund të mbyllet. Ne kemi refuzuar edhe ofertat nga klube të rëndësishme në janar, pikërisht sepse kishte një dëshirë të madhe për të arritur një marrëveshje me Milanin.
“Ka një gjë që më duket e çuditshme, e cila është se pas lamtumirës së Kessié, duket se disa tavane që më parë dukeshin të pakapërcyeshme tani mund të shkelen.” Më në fund, agjenti u pyet nëse i vjen keq që për Kessie flitet shpesh me fjalë të pahijshme pasi përfunduan gjërat.
“Nga njëra anë, mund ta kuptoj zhgënjimin e disa tifozëve, mund të ndodhë gjithmonë kur largohet një nga lojtarët më të mirë. Ndërsa unë nuk i kuptoj ata që e trajtojnë futbollin për bukën e gojës dhe që me përpikmëri shkruajnë ose përhapin lajme të pakuptimta dhe të pabaza për Kessié, “tha ai.
“Sigurisht, kjo ka ndodhur prej disa kohësh, por është më mirë që disa gjëra të mos bëhen zakon. E rrëfej se ishte një ndarje e dhimbshme edhe për ne, por martesat bëhen dyshe dhe në një moment nuk kishte më kushtet për të vazhduar më tej.”
Sot ai është te Barcelona, ku megjithatë nuk gjen hapësirë apo vazhdimësi. Pavarësisht kësaj, agjenti i tij, George Atangana, ka përjashtuar në intervistën për Calciomercato.com se ai tashmë mund të largohet nga Liga spanjolle. “Franck nuk ka qenë kurrë aq i lumtur sa është tani.
Ai ka arritur një objektiv që për shumë futbollistë mbetet vetëm një ëndërr, që është të luajë për Barcelonën. Dhe dua të sqaroj njëherë e mirë se sot nuk është planifikuar një largim nga Barcelona dhe për rrjedhojë edhe rikthimi në Itali është vështirë i realizueshëm”.