Në javët në vijim, Milani shpreson së bashku me rivalët e tyre Inter, të ketë disa lajme të rëndësishme per stadiumin e ri në pronësi qe do te behet te zona ku ndodhet aktualisht legjendari San Siro. Ky është impianti që do të zëvendësojë Giuseppe Meazza-n aktualn dhe qe do te jape fitime te trefishuara vjetore te klubet.
Në projektin origjinal, bazuar në arkitekturën e studios Populous, stadiumi i ri milanez duhet të ketë një kapacitet shumë më të vogël se sa San Siro aktual. Sot stadiumi i Milanit ka rreth 80,000 vende, të cilat shpesh janë pothuajse tërësisht të mbushura. Ndërsa stadiumi i ardhshëm nuk mund të përmbajë më shumë se 60 mijë, çka do të nënkuptonte privimin e rreth 20-25% të tifozëve që aktualisht shkojnë në stadium nga përvoja e futbollit live.
Prandaj, tifozët janë kundër një objekti që është shumë i vogël për të përmbajtur pasionin e kuqezinjve. Tashmë në prezantimin e projektit Populous, erdhën gjykime jo të favorshme, duke qenë se Milani dhe Interi mburren me tifozët gjithmonë të pranishëm me numra të lartë live.
Konfirmimi vjen nga të dhënat në Champions League. Milan gjatë fazës së grupeve 2022-2023 (në ndeshjet kundër Dinamo Zagrebit, Chelsea dhe Salzburg) numëroi gjithsej 210,000 spektatorë me një mesatare prej 70,288 tifozë për lojë. Gjithashtu duke marrë parasysh se 10 mijë bileta kundër kroatëve nuk janë shitur për shkak të çështjeve të sigurisë.
Shifra të pabesueshme, të cilat padyshim janë të mira për arkat e Milanit. Por stadiumi në pronësi do të bëhet themelor, duke qenë se këto të ardhura do të mund të rriten me 40% krahasuar me të ardhurat me San Siro-n aktual. Vetëm dyshimi për numrin e vendeve në dispozicion duhet të zgjidhet, duke qenë se tifozët e Milanit vazhdojnë të jenë shumë të shumtë dhe të lulëzuar.