Paolo Maldini dhe Frederic Massara u shpërblyen sot për punën shembullore të bërë te Milan sezonin e kaluar. Dy kuqezinjtë u vlerësuan në edicionin e trembëdhjetë të Globe Soccer Awards si Menaxherët më të Mirë Sportiv të vitit 2022. Një njohje më se e merituar dhe që e bën krenar gjithë mjedisin kuqezi!
Gjate aktivitetit, Paolo Maldini u intervistua nga gazetarë të ndryshëm të pranishëm. Drejtori Teknik nuk mund të mos pyetej për një çështje aktuale dhe vendimtare siç është ajo e rinovimit të kontratave. Jmi të vetëdijshëm se Milani po diskuton zgjatjen e kontratës së Rafael Leaos dhe Ismael Bennacer në mënyrën më konkrete të mundshme.
Nëse për algjerianin tashmë duket se marrëveshja është gjetur, ajo e portugezit vazhdon të jetë vërtet shumë e komplikuar. Paolo Maldini, i intervistuar nga Sky Sport, ka dhënë një pasqyrë të qartë të dy situatave. Këto janë fjalët e tij:
“Ne donim të firmosnim kontratën e re të Rafa Leaos para Kupës së Botës, por nuk ishte e mundur. Ne kemi punuar për të për muaj të tërë. Do të takohemi dhe do të marrim vendime në kohën e duhur. Në ditët në vijim do të takojmë agjentin e Bennacer në përpjekje për të gjetur një marrëveshje pasi ai nuk shkon ne Kupen e Botes”.
Për çmimin e marrë si drejtuesi më i mire: “Çmimi është një kënaqësi. Unë nuk jam drejtor sportiv, e imja është një figurë që nuk është e pranishme në të gjitha ekipet, është e lidhur pjesërisht me atë të drejtorit sportiv dhe pjesërisht me atë të drejtuesit të zonës teknike. Një figurë ndryshe të cilën e kam qepur pak dhe pas katër vitesh po nis një kapitull i ri i jetës sime, por jam shumë i kënaqur që jam këtu”.
Për Ibrahimovic dhe rikthimin e tij: “Ne rinovuam kontratën me një ide të saktë, për ta pasur atë me ne për kampin stërvitor në Dubai dhe shpresojmë në fushë në janar: ky është qëllimi”.
Napoli? “Ata kanë lënë në hije gjithçka që kanë bërë skuadrat e tjera, sepse ne, duke pasur vetëm dy pikë më pak se vitin e kaluar dhe gjithsesi kemi kaluar grupin e Ligës së Kampionëve, gjendemi 8 pikë prapa një ekipi që sinqerisht bëri pjesën e parë të mrekullueshme të sezonit. Merita e madhe për ta, ne e dimë se nuk mund të heqim dorë. Do të jemi atje deri në fund dhe do të shohim: gjithçka është në dorën e tyre dhe ky është një avantazh i madh, por kampionati është shumë i gjatë”.
Për rolin e baballarëve dhe të rinjve: “Ka ndjesi dhe ndjesi, ka edhe karriera dhe karriera, jo për të gjithë njësoj, për mua dhe mendoj edhe për dy fëmijët e mi. Kishte presion të madh, butësinë e të riut që nuk ndjen përgjegjësi nuk e kam përjetuar kurrë. Duhet të kuptojmë edhe të rinjtë, nuk mund të bazojmë veten në atë që ka qenë përvoja jonë, secili prej nesh e jeton në mënyrën e vet. Ne duhet t’i përshtatim ato që kanë qenë përvojat tona me kohët moderne”.