Edi Reja ka zgjedhur titullarët e miqësores që Shqipëria luan sonte përballë Italisë në “Air Albania”, duke nisur nga ora 20:45
Trajneri italian i beson portën kapitenit Etrit Berisha, ndërsa treshja e qendrës së mbrojtjes formohet nga Ardian Ismajli, Marash Kumbulla dhe Enea Mihaj.
Nga krahët Ermir Lenjani dhe Elseid Hysaj, ndërkohë që në mesfushë rreshtohen Keidi Bare, Nedim Bajrami dhe Amir Abrashi. Në sulm dyshja Armando Broja dhe Myrto Uzuni, nga të cilët priten golat kuqezi.
Kombëtarja shqiptare sfidon sonte kampionët në fuqi të Europës, teksa tri ditë më vonë (19 nëntor) luan miqësoren e radhës në “Air Albania” kundër Armenisë.
SHQIPËRIA (3-5-2): Berisha; Lenjani, Mihaj, Kumbulla, Hysaj; Abrashi, Bare, Bajrami; Uzuni, Broja. Trajner: Edi Reja.
Kujtojmë se në shumë media dhe portale qoftë vendase dhe italiane përflitet se këto do jenë dy ndeshjet e fundit të Rejës në krye të Kombëtares tonë.