Angazhimi financiar që Milan do të duhej të ndermerrte për të rinovuar kontratën e Rafael Leaos thuajse eshte bere publik! TMW raporton se Chelsea dhe Manchester City janë të dy duke pritur në dritare përpara merkatos së janarit dhe mund të bejne oferta me vlerë 120 milionë euro për të testuar vendosmërinë e Milanit, por sa do të kushtonte rinovimi i Leaos?
Nuk ka asnjë marrëveshje verbale me Ted Dimvula – agjenti i ri i anësorit – ndërsa klubet e përmendura në Premier League mund të ofrojnë 10 milionë euro neto në sezon rroge. Nëse Maldini dhe Massara do të shfrytëzonin dëshirën e Leaos për të qëndruar, do të duhej një ofertë prej 7.5-8 milionë euro neto në vit për të bindur lojtarin, familjen dhe agjentin, e cila do të ishte rreth 80 milionë euro ne 5 vjet: 40 neto dhe 80 bruto me taksat!
Nëse Milani do të pajtohej me atë shumë, do të ngrinte pikëpyetje në lidhje me kufirin e brendshëm të pagave të vendosur më parë, dhe rinovime të tjera si ato për Ismael Bennacer dhe Pierre Kalulu mund të bëhen më të ndërlikuara pasi ata ka të ngjarë të kërkojnë edhe më shumë.
Përveç pagës prej 80 milionë eurosh gjatë pesë viteve, Milani do të duhet të përpiqet të zgjidhë çështjen me Sporting CP ndoshta duke paguar gjysmën e gjobës prej 19.5 milionë eurosh që i detyrohen së bashku Leao dhe Lille, kështu që do të ishin 9.75 milionë euro të tjera për të shtuar.
Në një operacion kaq të madh me oferta mbi 100 milionë euro që priten nga klubet e tjera, disa para do të duhej të përfundonin në xhepat e Dimvula. Duke marrë parasysh se si shkuan takimet, është gjithashtu e mundur që taksa të jetë mjaft e rëndësishme. Atëherë duhet të merret parasysh babai dhe agjenti i tij Jorge Mendes, kështu që mund të priten komisione prej 5 milionë eurosh si minimum.
Ajo që është e qartë është se Milani është i vendosur për të mos humbur Leaon falas dhe kushdo që e blen atë do të duhet të paraqesë një ofertë prej 120 milionë euro ose më shumë, plus të gjejë një marrëveshje për të shlyer borxhin ndaj Sporting CP, plus të paguajë agjentët të paktën 10% e shifrës.