Elvana Gjata ka zgjedhur që të shndërrohet si këngëtarja Gili për Halloween. Elvana ka rikthyer një nga paraqitjet më ikonike të vitit 1995, kur Gili mori pjesë në festivalin e RTSH-së me këngën “Xixëllonja”.
Elvana në performancën që pati mbrëmë ishte kujdesur në çdo detaj të dukej si Gili. Këngëtarja ka ndarë një video në rrjete sociale, pranë së cilës shfaqet dhe Ylli Limani.
Ky i fundit s’i reziston dot dhe i dhuron një puthje në faqe. Kujtojmë që dyshja e njohur kanë një duet super të suksesshëm bashkë si dhe miqësi të ngushtë që na e tregojnë shpeshherë përmes rrjeteve sociale.SHIH VIDEON
Elvana Gjata ka sqaruar se nuk do të marrë pjesë në Festivalin e Këngës. “Nuk konkurroj këtë vit për Eurovision”, ka shkruar këngëtarja në Instastory. Ishte faqja “Eurovision Kosovo” që shkroi përmes një postimi se nga burime jo zyrtare kishte mësuar se ajo dhe Dhurata Dora synonin Eurovisionin.
Dyshimet u shtuan pasi menaxheri i Dhuratës, Ilir Balija i bëri “like” këtij postimi, veprim që u mor si një konfirmim për duetin e tyre. Kujtojmë që Elvana mori pjesë në edicionin e 58-të të Festivalit të Këngës, vit që u shoqërua me polemika pasi ajo u rendit në vendin e dytë pas Arilena Arës.
Ajo ishte një ndër pretendentet më të mëdha për fitoren. Emri i saj si fituese e festivalit ishte lakuar për faktin se kënga me të cilën konkurroi “Me tana” u prit shumë mirë, ndaj fakti që u rendit e dyta, ishte një surprizë për të gjithë.