Tema e rinovimive eshte qendrore te Milani prej disa kohësh. Leao është vetëm lojtari i fundit në mes të thashethemeve në lidhje me zgjatjen e kontratës: para tij Donnarumma, Calhanoglu, Kessie dhe Romagnoli. Ne kete diskutim duhet futur edhe Ismael Bennacer por edhe Pierre Kalulu… Megjithate ka dy kontrata qe ne qershor skadojne!
Por jane rinovime që nuk duhet të jenë problem te Milani: ato të Stefano Piolit dhe Olivier Giroud. Siç raportohet mëngjesin e sotëm nga Gazzetta dello Sport, kontratat aktuale të trajnerit dhe numrit 9 të kuqezinjve skadon verën e ardhshme, në vitin 2023. Synimi i klubit do të ishte zgjatja e marrëveshjeve të paktën deri në verën e vitit 2024. Si Pioli ashtu edhe Giroud mbërritën në Milanello mes skepticizmit të tifozëve.
I pari nuk konsiderohej top trajner, i dyti konsiderohej një përforcim i thjeshtë si zevendes Ibrahimovic. Megjithatë, të dy kanë shkruar tashmë historinë e Milanit. Pioli i bindur pas bllokimit, përzuri fantazmën e Rangnick, gjeti Ligën e Kampionëve dhe i çoi kuqezinjtë në krye të Italisë. Ndërsa Giroud u bë gjithnjë e më vendimtar me golat e tij si një grabitqar i vërtetë i zonës në ndeshjet kult që sollën Scudetton në Milanello. Të dy duan të vazhdojnë të fitojnë te kuqezinjtë dhe duan ta bëjnë këtë së bashku.
Për Pioli dhe Giroud, shifrat flasin vetë. Trajneri i kuqezinjve është rritur me Milanin dhe anasjelltas, me kalimin e muajve dhe sezoneve ai i ka dhënë një shenjë shumë precize skuadrës së tij, të dallueshme edhe përballë largimeve të konsideruara të pariparueshme apo lojtarëve të ndryshëm të padisponueshëm.
Një rrugë që e çoi të fitonte Scudetton dhe të kishte një përqindje shumë të lartë fitoresh: më shumë se 60%, 87 ndeshje të fituara nga gjithsej 152 te pankina e Milanit. Pas rinovimit të nënshkruar në fund të nëntorit 2021, opsioni për sezonin vijues mund të ushtrohet gjatë pushimit botëror.
Sulmuesi francez nuk ka tradhtuar asnjëherë, sidomos kur e nis titullar: në 42 ndeshjet e tij nga minuta e parë me kuqezinjtë, Giroud ka gjetur 20 gola. Pothuajse një gol çdo dy ndeshje. Djalli e ndihmoi edhe për të rifutar kombëtaren, prandaj Olivier nuk ka dyshime: e ardhmja eshte kuqezi.