Fati nuk e ka lejuar Shqipërinë U-17 që të bëjë hapin e madh për të kaluar në grupet e Europianit, në faznë e Elite Round.
Kuqezinjtë e nisën aventurën e tyre duke mundur Suedinë me shifrat 1-3, ndërsa më pas do të merrnin të vetmen humbje që i kuhtoi shumë, atë në minutat e shtesës ndaj Kroacisë, 1-0.
Djemtë e Bulkut do të përballeshin sot ndaj Uellsit ku kishin vetëm dy rrugë sesi të kalonin më tej. Një fitore direkte ndaj Uellsit ose një barazim i kombinuar me fitoren e Suedisë ndaj Kroacisë.
Në këtë përballje tjetër, kroatët gjetën shpejt avantazhin e dy golave, por suedezët barazuan 2-2, me rezultatin që nuk ndryshoi deri në fund të takimit.
Ndërkohë kuqezinjtë kanë dalë si të barabartë me Uellsin duke mbajtur shifrat 0-0. Fatkeqësisht kjo nuk mjafton për të kaluar më tej. Uellsi mban vendin e parë me pesë pikë, Kroacia vjen e dyta me katër pikë.
Shqipëria vjen e treta me katër pikë dhe Suedia renditet e fundit me dy pikë. Për shkakun e humbjes në ndeshjen direkte, Kroacia merr biletën e fundit për në Elite Round.