Ajo që ndodhi pak ditë më parë ne shtepine e Theo Hernandez nuk mund të harrohet shpejt. Grabitja e pësuar në vilën Cassano Magnano tronditi veçanërisht mbrojtësin e Milanit, siç u tha nga Stefano Pioli, në një konferencë për shtyp.
Por vik*tima e vërtetë e episodit dramatik ishte qartë Zoe Cristofoli, e pranishme në shtëpi, në momentin e bastisjes së kriminelëve, së bashku me të voglin Theo Junior dhe kuzhinieren dhe dadon e djaloshit.
Modelja, e cila u shfaq në Instagram, është ende dukshëm e tronditur nga ajo që ndodhi: “Do të doja të kthehesha në normalitet – transmeton gazzetta.it -, por ende mendja ime nuk është plotësisht e qetë pas asaj që ndodhi.
Ishte shumë më keq se sa shkruanin gazetat: për fat nuk kam asgjë të thyer, por po të isha vetëm, nuk e di nëse do të isha këtu ta tregoja tani. Fatmirësisht ka pasur njerëz me mua, e ndjej se duhet t’i falënderoj”.
Momente të vështira – “Atë episod e mendoj në çdo sekondë të ditës sime, sidomos kur shikoj djalin tim. Jemi me fat që jemi një familje fantastike dhe që kemi shumë njerëz që na duan, do të rifitojme jetën tonë të përditshme. Tani për tani kam vetëm dëshirën për drejtësi për atë që na është bërë”.